Mazcaras de Manzaneda-Folión

Na serra de Manzaneda, na aldea de Requeixo baixan xuntos co Folión. Unhas imaxes e videos  amosan a tipicidade deste peculiar e fermosísimo Entroido que pervive na Galicia na montaña central ourensá. O sonido atronador de bombos e utensilios metálicos  de labranza acompañan ao personaxe principal "mazcara" que vai danzando ao ritmo que eles marcan. Este ano celebrárono en Requeixo o sábado de Entroido. Despois deste desfile houbo un teatrillo en verso moi interesante... pois critican con humor o que sucede no lugar. Deseguido rematou cunha comida  popular con produtos desta época.

Paisaxe da serra

CAMELIAS E INVERNO... COLORIDO

Un paseo polas camelias da nosa horta......A camelia ou a amas ou a detestas. Algunha xente dí que a camelia é sucia... pois cáenlle as flores ao chan. Eu son das que amo as camelias. Ten flor nunha época en que non hai flores pois aquí é inverno, algunhas como as sasanquas teñen perfume  e non importa nin me molesta que lle caian as flores, pois mesmo así... as flores caídas son bonitas.

Exposición de Flor de Camelia en Compostela no Barrio de Rocha Forte

A fin de semana pasada tivemos a sorte de visitar a XI Exposición de Flor de Camelia en Rocha Forte. Puidemos contemplar a colección de flores de camelia de moitos cultivadores da zona: Clara Abalo Osorio, Leonor Magariños, Ana Isabel Calo de "A Casa das Camelias", José Freire... e moitos outros.

Exemplares de "Valentín day"

Marimurtra-xardín botánico na Costa Brava

Tiven a sorte de  visitar un dos xardíns botánicos da Costa Brava: o Marimurtra Botanicus con un día estupendo, aínda que era do mes de xaneiro. Como é de agardar había moitas plantas, pero poucas flores, pois estamos nos días máis fríos do ano.

Nesta zona hai tres xardíns visitables, que no caso de visitar os tres ofrecen un bo desconto:O Marimurtra,  O xardín histórico de Santa Clotilde e o xardín Botánico Tropical Paratge Pinya de Rosa.

As vistas á Costa Brava son espectaculares, só por eso merece a pena a visita.

A colección de plantas está adaptada á zona... hai moitas plantas de zonas secas e unha colección de plantas tropicales moi importante.

Tempo de recollerse ao calor do lume

Levamos varios meses con chuvia por aquí por Galicia, e poucos días de sol. É tempo de recollerse ao calor do lume nas casas. Estamos agardando o solsticio de inverno... agardando a que a luz venza as tebras... comecen a medrar os días e  veña unha nova época. Estamos no Nadal, no Advento, agardando un ano novo.

É costume colocar arranxos nas casas, eu cada ano coloco algo, procuro na horta, nun monte cercano.. algo que poida coller sen dañalo e que sexa biodegradable. Desta vez con uns bimbios e unhas hedras fixen unha coroa.

Tamén lle dei uso a uns cacharros que atopei nunha escombreira nun bosque nos Ancares nunha visita que fixen por alá. Uns cacharros vellos que terían moita historia e eu deille unha segunda vida. Despois con piñas, paus con liquens e polas da horta xa se fai o arranxo.

Que este ano vindeiro nos traia moita natureza, música e luz para seguir o camiño.

´

Camelia sasanqua e outras en Boiro

Esta fin de semana celebrouse na localidade de Boiro una das primeiras exposicións de flor de camelia da temporada. Adicada especialmente á camelia sasanqua , aínda que se puideron ver moitas outras que xa están en flor aquí por Galicia.Ó igual que a camelia japónica necesita o chan ácido e  tolera mellor o sol. Esta camelia é moi valorada  pola súa produción de aceite.

 

Puidemos disfrutar de moita variedade de flor de distintos expositores: Clara Abalo Osorio, Leonor Magariños, Ana Isabel Calo de "A Casa das Camelias", Begoña Franco,  Eusebio de Viveros D´Ortel, Viveros Flavius de Antonio Asunsao entre outros moitos. Tamén tivemos ocasión para comprar distintos exemplares pois nestas exposicións hai vendedores especializados. Alí estaba Chicho Torres e Viveros D´Ortel.

 Unha composición orixinal coa flor da "Banksia"

camelia japónica general coletti