Feira de plantas de colección de Padrón

Esta fin de semana tivemos a sorte de poder acudir á Feira de Plantas de colección de Padrón, moi pretiño de Santiago de Compostela, no marco da Exposición de Flor de Camelia.

Unha das firmas que alí estaba era Balantium, que están  traballando  en facer fieitos arbóreos. Outros coñecidos como Eusebio, de Viveiros Ortel que é especialista en Camelia e Magnolia . Outro exponía  variedade de Orquídea Cimbidium, que se da no noso clima.

Outono e cabaciñas...

Aparecen outras colores nesta época que nos din que é outono.

Unha época de transición ó inverno. Os días son máis curtos.. máis vida dentro das casas.  Esta fin de semana saín pola horta e recollín catro cousas coas que fixen este adorno dando a benvida ó outono 2018!

As Pallozas do Piornedo. Construccions ancestrais

Piornedo, aldea dos Ancares, a tres horas en coche dende  Santiago de Compostela.

Esta aldea conta co conxunto de pallozas mellor conservado de toda Europa.

As pallozas son vivendas de planta circular e teito de palla de centeo nas que vivían ata os anos 60 a xente destas montañas xunto cos animais .

 

Na actualidade hai dúas pallozas que son visitables como museo onde se pode adivinar todo o que podía acontecer alí dentro. Nós visitamos unha delas e contounos a guía que, agora como non se cultivaba o centeo alí,  tiñan que traer a palla para os teitos dende Castela, e como era moi custoso... pois algún teito estaba de uralita... qué mágoa.

Pensei eu... de novo...Estes teitos deberían ser subvencionados na súa totalidade...Pois é un patrimonio material único, maravilloso... que perdura na actualidade.

A administración galega debería de actuar aquí.

 

Outras construccións son os hórreos, tamén con teito de palla de centeo. Aquí gardaban os cereais  e curaban a carne dos xamóns para todo o ano.

Destas terras cantamos cantigas que se tocan con pandeira que foron recollidas por folkloristas da nosa terra como Xabier Díaz. Unha delas é Balouta, que leva o nome doutra aldea de Ancares na que quedan dúas pallozas tamén.

Parque Sigurtá en Italia

Durante estes días tiven a sorte de visitar o Parque Sigurtá  no norte da  Italia, pola zona do Lago de Garda.

Ademáis de ser un gran parque para pasear e disfrutar das distintas árbores, ten unha boa colección de nenúfares e dalias. Deixovos aquí algunhas imaxes.

Descubrín tamén un tipo de hibisco, o Hibisco Palustris, do que trouxen un exemplar a ver se se dá por estas terras galegas.

 

Xa están chegando as cores do outono

Qué bonitas están as hydrangeas paniculatas, e acompañadas dos hibiscos siriacus, que son os que se dan en Galicia.

 É agora cando se distinguen perfectamente as variedades de  paniculatas, pois as vainille fraise ofrecen as cores propias do outono, e as lime light siguen sendo blancas.

Sol e Hydrangeas paniculatas

No mes de xullo as hydrangeas paniculatas están esplendorosas. Eu teño que confesarvos que estou namorada destas plantas. A primeira que tiven no meu poder conseguina na tenda do Botánico de Gijón, pois daquela en Galicia non se conseguían. Agora xa se ven polos viveiros. Hai varias: paniculata lime light, Vainille Fraise e outra .

O que teñen de bo este tipo de hortensias é que poden estar a pleno sol.